KALLI CHANJIN DA YARONDA IYAYENSA SUKA DAURE TARE DA DABBOBI YASAMU BAYAN WATANNI

KALLI CHANJIN DA YARONDA IYAYENSA SUKA DAURE TARE DA DABBOBI YASAMU BAYAN WATANNI 

Gwamnatin jihar Kebbi ta mika Jibril Aliyu ga iyayensa, yaron dan shekara 11 da mahaifinsa tareda kishiyar mahaifiyarsa suka daure tare da dabbobi da yunwa tsawon shekaru biyu, a unguwar Badariya da ke cikin garin Birnin Kebbi.

Idan dai za a iya tunawa, a ranar 9 ga watan Agusta, 2020, gwamnatin jihar ta yi alkawarin yi wa yaron magani gaba daya, bayan da aka daure shi da sarka da mahaifinsa da kishiyar mahaifiyarsa suka yi masa.

Bayan daure yaron da sarka, an gano cewa yana rayuwa da dabi’a irin ta dabbobi, kuma wannan ya tilasta masa cin abincin dabbobi dakuma kashin dabbobi, ba tare da ruwa ba, yayin da yake yawan cin najasarsa a matsayin hanyar tsira da rayuwarsa.

Da yake mika yaron ga iyayensa, babban daraktan kula da lafiya kuma babban sakatare na asibitin tunawa da Sir Yahaya, Dakta Aminu Haliru Bunza, ya ce sama da kwararrun likitoci 20 ne suka halarci wurin yaron yayin da yake zaune a asibitin na tsawon watanni 15.

“A yau, muna mika yaron da aka fi sani da Jibril ga iyayensa bayan ya zauna tare da mu daga ranar 10 ga watan Agusta, 2020 zuwa yau, kimanin watanni 15 yanzu haka a asibitin Sir Yahaya Memorial Hospital dake nan cikin garin Birnin kebbi. "InjiShi"

“Lokacin da aka shigo da shi, yaron ya shiga cikin wani hali mai ban tausayi.

“A tsawon zamansa a nan, za mu iya taimakamshi, mu kula da shi sosai, ta jiki, da gina jiki da kuma ta hankali.

“Yaron yana kwance a asibiti, kwararrun likitoci daban-daban sama da 20 na fannonin kiwon lafiya daban-daban da muke da su a nan, daga Asibitin Kolejin Jami’ar (UCH), Ibadan, Asibitin Koyarwa na Jami’ar Legas (LUTH) da sauran kayan aiki sun iya ganin yaron domin tabbatar da lafiyar sa.” Inji shi.

A cewarsa, yaron ya samu sauki sosai kuma gwamnatin jihar ta kula da shi dari bisa dari.

Haliru-Bunza ya bayar da tabbacin cewa gwamnatin jihar ta dauki alkawarin dorewar dangantakar da kuma taimaka wa yaron, inda ya ce akwai shirin ci gaba da kula da lafiyarsa.

Gwamnatin Jahar ta Kula da yaron sosai inda a halin yanzu yasamu sauki sosai.

Gwamnati ta ginawa yaron katafaren gida da zai zauna domin cigaba da kula dashi ta kuma dauki nauyin cigaba da kula da lafiyarsa.

SHIN KO WANNAN MATAKIN DA GWAMNATI TA DAUKA YAYI DAI DAI???

KU BAYYANA MUNA RAAYOYINKU TA COMMENT SECTION.